Afrikaans

Posted on Tue January 22, 2019.

Artikels, aanhalings, liedjies.............................

“wanneer jy die taal
van my wegneem
ruk jy die hart uit my drome
om dit te vervang
met die mondmaniere
van ’n tong wat nog net
die blinde werk van miere kan doen”
- Breyten Breytenbach

"die lewe is te kort daarvoor
om geluk elders te bly soek
of om daarvoor te bly sit en wag
geluk is nie iewers anders nie
dis nie in ń ander dorp
of ń beter blyplek nie
dis nie in volgende week of volgende jaar nie
dis nie by ń ander partner
of beter vriende
of ń ander werk nie
geluk is hier waar jy is
geluk is in die vrede binne in jou
in die klein stukkies vreugde
wat soms in jou eie hart opwel" - Lidi de Waal

“ek sal waak oor jou drome
ek spyker die vlieë teen die muur
ek wag gewapend vir die son
en die wind
en die reën
as jy lag sal ek lag
en as jy huil
klein beminde...
moenie huil nie”
– Breyten Breytenbach

Refentse - As Almal Vêr Is

dis orraait om soms nie allthere te wees nie
om soms beheer te verloor
om soms heeltemal in jou moer in te voel
dis orraait om soms vir ander mense te wys ook
kyk hier!!!
hoor hier!!!.
kan jy sien hier's ń moerse skroef los met my
vir elke mens is daar iewers ń sagte skouer
waarop jy kan gaan huil as jy wil huil
of ń voordeur wat vir jou oopgemaak sal word
waar jy kan gaan wegkruip
en tjank
hard en lelik 
sonder dat iemand vir jou sê hou op
ruk jouself reg
hou op om agter toe deure 
all by your lonesome self te suffer
jy's net ń mens
en dis orraait om nie altyd orraait te wees nie.

Lidi de Waal